Marrëveshja për Integrimin e Mbrojtjes Civile

Marrëveshja brenda kornizës së dialogut teknik
Data e nënshkrimit: 26 mars 2015

Statusi i marrëveshjes:
Marrëveshja është zbatuar plotësisht (deri në fillim të vitit 2016)

Palët/delegacionet

Marko Gjuriq
Shefi i ekipit negociator të Qeverisë së Serbisë

Federika Mogerini
Përfaqësuese e Lartë për Politikën e Jashtme dhe të Sigurisë së BE-së

Edita Tahiri
Ministre për dialog dhe Shefe e ekipit negociator të Kosovës*

Zyrtarët

Tomisllav Nikoliq
President i Serbisë

Aleksandar Vuçiq
Kryeministër i Serbisë

Atifete Jahjaga
Presidente e Kosovës*

Isa Mustafa
Kryeministër i Kosovës*

Historiku:

Njësitë e Mbrojtjes Civile në veri të Kosovës kanë operuar jashtë kornizës ligjore të Kosovës pavarësisht nga fakti se Marrëveshja e Brukselit parashikonte në mënyrë të nënkuptuar shpërbërjen e të gjitha strukturave paralele të sigurisë serbe në Kosovë. Vetë perceptimi i ekzistimit të Mbrojtjes Civile ishte i ndryshëm – ndërsa komuniteti serb në Kosovë e shikonte Mbrojtjen Civile si një strukturë me qëllimin e vetëm të sigurimit të ndihmës për civilët në raste emergjente, qeveria e Kosovës dhe institucionet ndërkombëtare e perceptonin atë si një strukturë ilegale paraushtarake që duhej të shpërndahej.

Një pjesë e marrëveshjes së Brukselit parashikoi gjithashtu integrimin e mbrojtjes civile në institucionet ekuivalente të Kosovës.

Marrëveshja e Integrimit për Mbrojtjen Civile parashikonte heqjen e njësive të Mbrojtjes Civile në veri të Kosovës, integrimin e tyre në institucionet “civile” të Kosovës, por edhe mbylljen e të gjitha objekteve, zyrave dhe depove të përdorura nga ish anëtarët e saj në veri dhe dorëzimin e tyre në institucionet kosovare.

Në prill 2015, Mbrojtja Civile u shpërbë dhe anëtarët e saj dolën në pension. Deri në fillim të vitit 2016, 479 anëtarë ishin integruar në 24 institucione të Kosovës.

Pikat thelbësore të marrëveshjes

Zbatuar

Anëtarëve të Mbrojtjes Civile do t’u ofrohet një vend në strukturat ekuivalente të Kosovës. Integrimi i anëtarëve të Mbrojtjes Civile do të kryhet në përputhje me Ligjin e Kosovës për Shërbimin Civil.

Zbatuar

Heqja e tre posteve të vëzhgimit në veri dhe transferimi i mjediseve të ish-Mbrojtjes Civile.