Marrëveshja për përfaqësimin rajonal

Marrëveshja brenda kornizës së dialogut teknik
Data e nënshkrimit: 24 shkurt 2012

Statusi i marrëveshjes:
Marrëveshja është zbatuar plotësisht

Palët/delegacionet

Borko Stefanoviq
Shefi i ekipit negociator të Beogradit

Robert Kuper
Kryesues – ndërmjetësues i BE-së

Edita Tahiri
Shefe e ekipit negociator të Prishtinës

Zyrtarët

Boris Tadiq
President i Serbisë

Mirko Cvetkoviq
Kryeministër i Serbisë

Atifete Jahjaga
Presidente e Kosovës*

Hashim Thaçi
Kryeministër i Kosovës*

Historiku:

Qëllimi i kësaj marrëveshje ishte t’i mundësonte Kosovës pjesëmarrjen e pavarur në organizatat dhe takimet rajonale. Para nënshkrimit të saj, Kosova kishte probleme me pjesëmarrjen dhe bashkimin për shkak të mos njohjes së pavarësisë nga Serbia dhe Bosnja dhe Hercegovina. Deri atëherë, UNMIK-u kishte nënshkruar marrëveshje në emër të Kosovës.

Kjo marrëveshje u mundëson përfaqësuesve të Kosovës, së bashku me përfaqësuesit e vendeve të tjera në rajon, të marrin pjesë dhe të bashkëpunojnë në iniciativat rajonale.

Falë kësaj marrëveshje, Kosova ka mundësinë të marrë pjesë në nisma rajonale si CEFTA, Këshilli i Bashkëpunimit Rajonal (RSS), procesi Brdo-Brijuni, por edhe procesi i Berlinit që lidhi Serbinë dhe Kosovën për të diskutuar projekte dhe programe të përbashkëta, të tilla si autostrada Nish-Prishtinë, pastaj Zyra Rajonale për Bashkëpunim Rinor (RYCO), Komuniteti i Transportit, Forumi i Investimeve i Ballkanit Perëndimor.

Zbatimi i kësaj marrëveshje është shoqëruar me polemika, kështu që edhe sot ndodh që përfaqësuesit e Serbisë ose Kosovës të largohen ose të refuzojnë të marrin pjesë në ngjarje të ndryshme sepse nuk janë respektuar dispozitat e marrëveshjes.

Pikat thelbësore të marrëveshjes

Zbatuar

Brenda kornizës së bashkëpunimit rajonal, Kosova * është i vetmi emër që do të përdoret, ndërsa në shënimin në fund të faqes do të qëndrojë: “Ky emër nuk paragjykon pozicionet mbi statusin dhe është në përputhje me Rezolutën 1244 të Këshillit të Sigurimit të Kombeve të Bashkuara dhe opinionin e Gjykatës Ndërkombëtare të Drejtësisë mbi shpalljen e pavarësisë së Kosovës”.

Zbatuar

Kosova merr pjesë dhe flet për veten në të gjitha tubimet rajonale.

Zbatuar

Pritësit e takimeve inkurajohen të shmangin theksimin e simboleve kombëtare përveç simboleve të tyre dhe të BE-së, duke marrë parasysh statutet e organizatave përkatëse.