Marrëveshja për Telekomunikacionin

Marrëveshja brenda kornizës së dialogut teknik
Data e nënshkrimit: 8 shtator 2013

Statusi i marrëveshjes:
Marrëveshja është zbatuar më së shumti

Palët/delegacionet

Ivica Daçiq
Kryeministër i Serbisë

Ketrin Eshton
Përfaqësuese e Lartë për Politikën e Jashtme dhe të Sigurisë së BE-së

Hashim Thaçi
Kryeministër i Kosovës*

Zyrtarët

Tomisllav Nikoliq
President i Serbisë

Ivica Daçiq
Kryeministër i Serbisë

Atifete Jahjaga
Presidente e Kosovës*

Hashim Thaçi
Kryeministër i Kosovës*

Historiku:

Telekomunikacioni ishte një nga temat e para të diskutuara gjatë dialogut teknik të ndërmjetësuar nga BE i filluar në 2011. Pas dy vitesh negociata, në shtator 2013, u arrit një marrëveshje që i mundësoi Kosovës për të marrë një kod ndërkombëtar zone (+383), por gjithashtu çoi në rregullimin e operatorëve të palicensuar (VIP, Telekom Srbija dhe Telenor) në territoret ku kryesisht jeton komuniteti serb në Kosovë.

Para kësaj marrëveshje, operatorë të palicencuar serbë dhe operatorë të licencuar të Kosovës operonin në Kosovë, duke krijuar dy sisteme paralele telekomunikuese. Për më tepër, Kosova nuk kishte kodin e vet të zonës, kështu që u përdorën tre kode zonë (Monako +377, Slloveni +386 dhe Serbi +381).

Kjo situatë bëri që disa thirrje të trajtohen si kombëtare, të tjera si ndërkombëtare, të gjitha të varura nga kompania që operon në atë zonë. Prandaj, qytetarët zakonisht kanë përdorur dy telefona – njërin për të komunikuar me njerëzit në Serbi, tjetrin për të komunikuar në Kosovë.

Më 25 gusht 2015, u arrit një plan veprimi në fushën e telekomunikacionit, i cili parashikonte që Kosova do të ishte përgjegjëse e vetme për zbatimin e kodit të zonës, pasi Unioni Ndërkombëtar i Telekomunikacionit (ITU) i caktoi asaj një kod tre-shifror të zonës.

Më 26 janar 2016, Austria paraqiti një kërkesë për një kod zone në emër të Kosovës, dhe në Dhjetor 2016, ITU i caktoi Kosovës një kod zone (+383) dhe u futi Kosovën në regjistrat në internet të telekomunikacionit.

Marrëveshja parashikoi gjithashtu rregullimin e punës së operatorëve serbë të palicensuar në Kosovë.

Në mënyrë që të sigurojë komunikim në zona të caktuara, Kosova ka rënë dakord që të lëshojë një licencë të përkohshme për telefoninë celulare dhe të përhershme për telefoninë fikse kompanisë MTS sh.p.k., një filiali të Telekom Srbija. Kjo licencë e përkohshme skadon derisa të lëshohet një licencë e re e pakufizuar e telefonisë celulare, e cila do të jetë rezultat i një tenderi të organizuar në përputhje me standardet e BE-së.

Pikat thelbësore të marrëveshjes

Zbatuar

Unioni Ndërkombëtar i Telekomunikacionit do t’i caktojë Kosovës një kod tre-shifror telefonik.

Zbatuar

Një licencë e plotë për shërbimet e telefonisë fikse do t’i lëshohet kompanisë së re (MTS sh.p.k.) si filiali të kompanie serbe të regjistruar në përputhje me kornizën rregullatore të Kosovës.

Zbatuar

Autoritetet e Kosovës do të lëshojnë një licencë të përkohshme të telefonisë celulare për kompaninë e re (MTS sh.p.k.) në përputhje me kornizën rregullatore të Kosovës, si për shërbimet ekzistuese ashtu edhe për infrastrukturën ekzistuese në terren.

Nuk është zbatuar

Licenca e përkohshme do të skadojë kur autoritetet e Kosovës lëshojnë një licencë të plotë, të pakufizuar të telefonisë celulare bazuar në rezultatet e një tenderi/ankandi të organizuar në përputhje me standardet e BE-së.

Nuk është zbatuar

Edhe pse shërbimet postare nuk ishin pjesë e këtyre bisedimeve, të dy palët do të bien dakord mbi to në një fazë të mëvonshme.